07/23/2025 - 00:12 AM
بيروت - متابعة كريم حداد
في مداخلة مؤثرة خلال اللقاء الوطني الذي نُظّم تحت عنوان “صوت الحق بيجمعنا”، وجّه الناشط اللبناني الأميركي توفيق بعقليني، من بيروت، رسالة واضحة باسم الجالية اللبنانية في الاغتراب، مؤكدًا أن اللبنانيين المنتشرين يتمسكون بحقوقهم الدستورية الكاملة، وفي مقدّمها حق الاقتراع والتمثيل النيابي العادل.
وقال بعقليني: “كثير من اللبنانيين في أميركا يعتبرون أن لبنان هو بلدهم الأم، سواء كانوا من الجيل الأول أو من الجيلين الثاني والثالث. عندي أصدقاء من الجيل الثالث بيعرفوا عن زحلة أكتر من ناس مقيمين فيها، وهم على تواصل دائم مع أهلهم وبلداتهم، وبيحبوا يصوّتوا لناس بيعرفوهن وبيعرفوا شو عملوا بمجتمعاتهم.”
وأضاف: “بالنسبة للمغترب، التصويت ما بيرتكز على الانتماء الحزبي، بل على الأداء. بأميركا بنعمل scoreboard للنواب، من A+ إلى F، وبيُقوَّم كل نائب حسب تصويته وموقفه. الناس بدها تعرف: شو قدّم المرشح؟ شو عمل؟ كيف صوّت؟”
وتابع: “نحن، كمواطنين لبنانيين، نخضع للدستور اللبناني وعلينا واجبات، ومن حقنا أن نُعامل بالمثل. صار لي 42 سنة بأميركا وعم بشتغل للبنان، وأحد الأصدقاء قالي مؤخرًا: أنتو متل بقرة حلوب، وقت الحاجة بيتذكروكن، وبعدها بيقلكم ما إلكن حقوق!”
وأشار بعقليني إلى أن الجالية اللبنانية مستعدة للمشاركة بفعالية في الحياة الوطنية، شرط أن يحصل تصحيح جدي في قانون الانتخاب: “إذا صار القانون يضمن لنا التمثيل الصحيح من ضمن الـ128 نائب، نحنا رح نشجع على التسجيل أكتر وأكتر. بس ما بيصير كل مرة تقولولنا قبل بشهر ‘سجّلوا بسرعة’. لازم يكون في تنظيم وشفافية، وانفتاح على الكل.”
Comments